د هندوستان غوره لیګ په ۳۹مه سیالۍ کې ګجرات ټایټنز لوبډلې د ۷ وېکټو په توپیر کلکته نایټ رایډرز لوبډلې ته ماتې ورکړه.
توانا خبري اژانس د ثور 10، په دغه سیالي په دواړو لوبډلو کې درې افغان لوبغاړي هم ولوبېدل چې رحمنالله ګربز په کې د اغېزناک لوبغاړي جایزه وګټله.
ګربز د پيل توپوهنه یې کوله، د ۷ شپږیزو او ۵ څلوریزو پر مټ یې په ۳۹ توپونو ۸۱ منډې وکړې.
ويل کېږي چې دا په یاد لیګ کې د رحمان الله ګربز دویمه نیمه سلیزه ده چې نوموړي ترسره کړه.
دغه راز په دې سیالۍ کې د ګجرات لوبډلې په ګټه نوراحمد لکڼوال په څلورو اورونو کې د 21 ويشتو مڼډو په ورکولو سره 2 لوبغاړي يي وسوځول.
د يادونې وړ ده چې د دې سیالۍ تر ګټلو وروسته ګجرات لوبډله د نومړو په جدول کې اول مقام ته ورسېده.
سهراب خان دولت زى
توانا خبري اژانس
