پروژ‌هٔ ترمیم ۸ باب مکتب در هرات به ارزش بیش از ۴ میلیون و ۴۸۰ هزارافغانی آغاز گردید.
خبرگزاری توانا: مسئولان در ریاست معارف هرات امروز دوشنبه ۲۶ جوزا ۱۴۰۴ می‌گویند که، کار ترمیم و بازسازی۸ باب مکتب در سطح ولسوالی‌های گذره و زیرکوه ولایت هرات آغاز شده است.
مولوی رحمت‌الله جابر رئیس معارف ولایت هرات می‌گوید که، با اکمال کار این پروژه‌ها، زمینهٔ بهتر فراگیری تعلیم و تربیه و محیط مناسب آموزشی برای هزاران شاگرد در مکاتب ولسوالی‌های این ولایت فراهم می‌شود.
قابل یادآوری است که این پروژه‌ها با هم‌کاری یکی از نهادهای هم‌کار ادارهٔ معارف ولایت هرات، به ارزش مجموعی حدود ۴ میلیون و ۴۸۰ هزار افغانی عملی می‌گردد.
