د بلخ ولایت سرپرست والي الحاج محمد يوسف وفا په هدايت، د بلخ ولايت هغو سيمو ته چي په دي ورستیو کې د اورښتونو او سيلابونو په پايله کې زيانمن شوي و، د بلخ ولايت د طبيعي پيښو سره د مبارزې پر وړاندې د مبارزې رئیس په مشرۍ يو هيئت سيمي ته وليږدول شو، ترڅو د خلکو زيانونه له نژدې وګوري، او د خساراتو راپور يي د ولايت مقام سره شريک کړي.
په همدې اساس تيره ورځ ولایت د طبيعي پيښو سره د مبارزې پر وړاندې او نورو اړوندو ادارو څخه يو هيئت د بلخ زارۍ ولسوالۍ ته سفر وکړ، او له هغو سيمو او کورونو نه يي ليدنه وکړه چې پدي ورستيو کي د سيلابونو د راوتلو له امله زيانمن شوي و.
ياد هئيت ټول متضرره کورونه او سيمي يي سروې کړي او د راتلونکو اقداماتو په اړه يي خپل راپور د ولايت له مقام سره شريک کړ.
د يادونې وړ ده چې په بلخ ولایت کې د پسرلي موسم په را رسيدو سره سم بارانونه شدت مومې، چې له امله يې ځانې او مالې زيانونه په پراخه توګه پيښوي.
سهراب خان دولت زى.
توانا خبري اژانس
