د افغانستان اسلامي امارت، کورنیو چارو وزارت وايي چې، د اسلامي امارت مشر د فرمان پر بنسټ، په ټول افغانستان کې د تورو ښيښو موټرونو، تور رنګونو او بيلابيل سټيکرونه منع شوي.
د کورنیو چارو وزارت په خپله ټويټر پاڼه باندې ليکلي چې، د اسلامي امارت مشر د 31 غونډې په اساس، پريکړه وشوه چې د اسلامي امارت د مشر 519 مې ګڼي فرمان د پلي کولو لپاره، په ټول هېواد کې د تورو ښيښو والا موټرونو پر ګرځيدو او هرډول سټيکر چي د شخص د هويت په پيژندنه کې خڼډ پيښوي، بنديز ولګول شي.
د کورنیو چارو وزارت له ټولو امنیتي منسوبینو او ځواکونو نه وغوښتل چې د ياد فرمان د پلي کولو لپاره، د شرعي اصولو او مشرتابه لارښوونو په رڼا کې کوټلي ګامونه پورته کړي.
سرچينې زياته کړې چې، د هيواد ټولو قومندانيو، د څارنې اړوندو منسوبینو ته سپارښتنه کيږي چې، هغه سپارښتنې چې د کورنیو چارو وزارت د امنيتې چارو ستر معينيت لخوا د يو ځانګړي حکم کې ورپيژندل شوي، په ښه توګه عملي کړي.
سهراب خان دولت زى
توانا خبري اژانس
