دبلخ ولايت امنيه قوماندانۍ وياند محمد آصف وزیري نن د چنګاښ په 22 يوي خبري ناسته کې خبریالانو ته وویل چې په تيرو 15 ورځو کې د دي ولایت امنیتي ځواکونو 70 ميله سپکي او درني وسلې کشف او ضبط کړي.
توانا خبري اژانس د چنګاښ 22، نوموړي زياته کړه چې دغه وسلي دمزارشريف په په مارمل، چهارکنت، زارع، کشنده، شولګر، دولت اباد، چهاربولک او همدارنګه د مزارشریف ښار له ځینو حوزو نه ترلاسه شوي.
ښاغلي وزیري همداراز وویل چې پدغو کشف شوو وسلو کې ۵۴ میله کلاشینکوفونه، ۱۲ میله کمري تفنګچې، یو قبضه راکیټ، ۳ میله ام شانزده شامل دي.
هغه وويل چې تراوسه ددي وسلو په تړاو څوک يا کومه ډله نده نيول شوي.
سهراب خان دولت زى
توانا خبري اژانس
