امروز (شنبه، ۲۶حوت) هیات بلندرتبه وزارت ارشاد، حج و اوقاف امارت اسلامی به ازبیکستان سفر کرد.
به گفته‌ی این وزارت، هیات ده نفره به رهبری سرپرست این وزارت به دعوت رسمی مفتی شیخ نورالدین خالق‌نظر عالم دین و رییس سازمان مسلمانان ازبیکستان به این کشور رفته است.
هیات این وزارت در کنار دیدار با عالمان دینی این کشور از مرکزهای دینی شهرهای تاشکند، بخارا و سمرقند نیز دیدن و درباره مسایل مختلف با مسوولان نهادهای اسلامی این کشور گفت‌وگو خواهند کرد.
